குழந்தைகளுக்காக ராகாவின் நடன சூறாவளி போட்டி
கடந்த சில நாட்களாக ராகாவின் சமூக வளத்தளங்களில் குழந்தைகளின் நடன காணொளிகள் பரவலாக காணப்பட்டு வருகின்றது. உங்கள் குழந்தைகள் நடனத்தில் ஆர்வமுள்ளவர்களா? அவர்களின் நடனத் திறமையை வெளிகாட்ட வேண்டுமா? அப்படியென்றால் ராகா வானொலி நிலையம் ஏற்றி நடத்தும் ராகாவின் நடன சூறாவளி போட்டியில் கலந்து கொண்டு ரிம 4000 வரையிலான ரொக்க பரிசைத் தட்டிச் செல்லலாம்.
மலேசியாவிலுள்ள குழந்தைகளின் நடனத் திறமையைக் கண்டறிய வேண்டும் எனும் நோக்கத்திற்காக இந்த ராகாவின் நடன சூறாவளி போட்டி ஏற்பாடு செய்யப்பட்டுள்ளது. 6வயது முதல் 11 வயது வரை உட்பட்ட ஆர்வமுள்ள குழந்தைகள் எதிர்வரும் 17-ஆம் தேதி ஞாயிற்றுக்கிழமை மதியம் 3 மணி தொடக்கம் சுபாங் மைடின் பேராங்கடியில் நடைபெறவுள்ள இப்போட்டியின் நடனத் தேர்வில் கலந்து கொள்ளலாம். இப்போட்டி ‘ரவுடி பேபி’ மற்றும் ‘ரவுடி ஜுனியர்’ என இரண்டு பிரிவுகளாக நடைபெறும்.
இந்த நடனத் தேர்வின் போது, போட்டியாளர்கள் ராகாவின் அகப்பக்கத்தில் பதிவேற்றம் செய்துள்ள 10 பாடல்களிலிருந்து ஒரு பாடலை மட்டுமே தேர்வு செய்து அதனை 2 நிமிடங்களுக்குள் நடுவர்களிடம் நடனமாடி காட்ட வேண்டும். பிறகு, ஒவ்வொரு பிரிவு இருந்து சிறந்த 10 போட்டியாளர்கள் ராகாவின் நடன சூறாவளி போட்டியில் இறுதிச் சுற்றுக்குத் தேர்தெடுக்கப்படுவார்கள்.
இப்போட்டியின் இறுதிச் சுற்று எதிர்வரும் மார்ச் 23-ஆம்தேதி இடம்பெறும். இறுதிச் சுற்றில் போட்டியாளர்கள் ராகாவின் அகப்பக்கத்தில் பதிவேற்றம் செய்யப்பட்ட 10 பாடல்களிலிருந்து ஒரு பாடலை மட்டுமே தேர்வு செய்து முழு பாடலுக்குநடனமாட வேண்டும். ஒவ்வொரு பிரிவின் முதல் நிலை வெற்றியாளர் ரிம 2,000 ரொக்க பரிசு தட்டிச் செல்லும் அரிய வாய்ப்பு காத்துக் கொண்டிருகின்றது.
அதை வேளையில், மார்ச் 11-ஆம் தேதி தொடக்கம் 15-ஆம் தேதி வரை வானொலியில் #RaagaBaby எனும் போட்டி ஒன்று ஏற்பாடு செய்யப்பட்டுள்ளது. ரசிகர்கள் தங்களுடைய இண்ஸ்டாகிரமில் குழந்தைகள் நடனமாடும் காணொளியைப் பதிவேற்றம் செய்ய வேண்டும். அக்காணொளியைப் பதிவேற்றம் செய்யும் பொழுது #RaagaBaby எனும் சொல்லை ஹேஸ்டேக் செய்யமறவாதீர்கள். ஆக்கப்பூர்வமான காணொளிகள் இப்போட்டிக்குத் தேர்ந்தெடுக்கப்பட்டு அக்காணொளியிலுள்ள தடயங்கள் (clues) அறிவிப்பாளர்கள் வழங்குவார்கள். அந்தக் காணொளி உங்களுடையதாக இருந்தால் உடனே அழைத்து சரியாக இருந்தால் ரிம 50 தட்டிச் செல்லலாம்.
மேல் விவரங்களுக்கு, raaga.my அகப்பக்கத்தை வலம்வருங்கள்.
