வெடிகுண்டு பசங்க ஒரு மில்லியன் ரிங்கிட் வசூலித்தது!
கடந்த ஜூன் மாதம் 26-ஆம் தேதி வெளியீடு கண்ட ‘வெடிகுண்டு பசங்க’ திரைப்படம் முதல் 16 நாட்களில் 1 மில்லியன் ரிங்கிட் வசூல் செய்து சாதனை படைத்துள்ளது.
வீடு புரோடக்ஷன் மற்றும் அஸ்ட்ரோ வானவில் இணைந்து வழங்கும் இத்திரைப்படம், நாடு தழுவிய நிலையில் சுமார் 55 மலேசியத் திரையரங்களில் மட்டுமின்றி இங்கிலாந்தில் 5 திரையரங்களில் வெளியிடு கண்டுள்ளது.
மலேசியாவில் பரவலாகவுள்ள வழிப்பறி திருட்டு குற்றச்செயலை மையமாக கொண்ட ‘வெடிகுண்டு பசங்க’ திரைப்படத்தில் டெனிஸ் குமார், ‘விகடகவி’ மகேன், வே. தங்கமணி, டேவிட் அந்தோணி, சீலன் மனோகரன் ஆகியோர் நடித்துள்ளார்கள்.
தற்போது, மலேசியா மற்றும் இங்கிலாந்து நாடுகளில் வெளியீடு கண்டுள்ள இத்திரைப்படம் விரைவில் சிங்கப்பூர் மற்றும் ஸ்ரீலங்காவில் திரையிடப்படவுள்ளது.
